Internet ijtimoiy tarmoqlarida “Farg`ona viloyati Uchko`prik tumanida gaz quyish shahobchasida tartibsizliklar yuz bermoqda ekan" sarlavhali videoxabar tarqaldi.
Holatga Farg`ona viloyati IIB Axborot xizmati oydinlik kiritdi.
Ma`lum bo`lishicha, joriy yilning 8 dekabr kuni Farg`ona viloyati Uchko`prik tumani, Buyrak MFY hududidagi avtomabillarga gaz quyish shahobchasida fuqro H.Q. o`z boshqaruvidagi "Niva" rusumli avtomashinasida gaz quyish shahobchasi yopilgandan so`ng, qayrilib olish maqsadida yon tarafdagi to`siqdan avtomashinasida o`tib ketmoqchi bo`lgan va videotasvirdagi holat kelib chiqqan.
Hodisa natijasida tan jarohati olganlar yo`q.
“Fuqarolarimizdan yuqoridagi kabi xabarlarga rasmiy munosabat bildirilmay turib noo`rin xulosaga bormasliklarini, ijtimoiy tarmoq faollaridan asoslanmagan axborotlarni tarqatmasliklarini so`rab qolamiz”, - deyiladi xabarda.
