Evropa chempionlar ligasi guruh bosqichi ilk turidan o`rin olgan bir qator uchrashuvlar o`z nihoyasiga etdi. Avvalroq "Barselona" va "Bavariya" yirik g`alabalarga erishgani haqida xabar bergandik.
Jumladan, “A” guruhi markaziy o`yinida “Arsenal” jamoasi safarda “PSJ” mehmoni bo`lib, 1:1 hisobida durang o`ynadi. 2-daqiqada Edinson Kavani gol kiritgan bo`lsa, 78-daqiqada Aleksis Sanches muvozanatni tikladi va o`yin shu tariqa yakunlandi.
“D” guruhida esa Madridning “Atletiko” jamoasi safarda “PSV” futbolchilari bilan kuch sinashdi. Ushbu o`yinning 43-daqiqasida Saul tomonidan kiritilgan yagona gol Diego Simeone jamoasiga g`alaba olib keldi.
