Davlat xavfsizlik xizmatining Toshkent viloyati bo`yicha boshqarmasi xodimlari tomonidan viloyat bojxona boshqarmasi bilan hamkorlikda o`tkazilgan tezkor tadbirda narkolaboratoriya fosh etildi. Bu haqda "darakchi.uz"ga DXX matbuot xizmati xabar qildi.
Ma`lum qilinishicha, Yuqorichirchiq tumanida yaovchi, 1987 yilda tug`ilgan 2 nafar fuqaro mazkur tumandagi dala hovlilardan birida yashirin narkolaboratoriya tashkil etib, unda “Mefedron” sintetik narkotik moddasini tayyorlab, sotish bilan shug`ullanishgan.
Xonadon ko`zdan kechirilganda jami 1 kg. 12 gr. “Mefedron” sintetik giyohvandlik vositasi, uni tayyorlashda foydalaniladigan kimyoviy suyuqliklar va boshqa zarur uskunalar borligi aniqlandi.
Shuningdek, ulardan biriga tegishli kafening alohida xonasida 18 gr. “opiy”, 33 gr. “gashish”, 2 gr. “Mefedron” narkotik moddalari borligi ham ma`lum bo`ldi.
Ular “Telegram” messenjeri orqali mijoz topib, narkotik moddalarni xufiya joylarga yashirib ketish orqali sotishgan.
Tezkor tadbirlar natijasida ular tomonidan Toshkent shahri va viloyati hududidagi 15 ta xufiya joyga sotish maqsadida 7 gr. “Mefedron” va 8 gr. “gashish” narkotik moddalari yashirib ketilganligi ham aniqlandi.
Shuningdek, qonunbuzarlar o`zlarining jinoiy harakatlariga 1993 yilda Farg`ona viloyatida tug`ilgan, kimyo sohasida bilim va ko`nikmaga ega bo`lgan fuqaroni jalb etishgan. O`z navbatida u zarur kimyoviy elementlardan foydalangan holda “Mefedron” sintetik giyohvandlik vositasini tayyorlagan.
Narkotiklarni xufiya joylarga joylashtirish bilan esa Yuqorichirchiq tumanida yashovchi, 2000 y.t. shaxs shug`ullangan.
Hozirda jinoyat ishi qo`zg`atilib, tergov harakatlari olib borilmoqda.
19.04.2024, 16:10
Toshkent viloyati, Yuqorichirchiq tumani hududidan oqib o`tuvchi Chirchiq daryosida shag`al mahsulotini noqonuniy qazib olib ketilayotganligi aniqlandi. Bu haqda Ekologiya vazirligi matbuot xizmati xabar berdi.Ekologiya, atrof-muhit...
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
