Ijtimoiy tarmoqlarda Toshkent shaharida uchta avtomobil ishtirokida YTH sodir bo`lgani haqida xabarlar tarqaldi.
IIV Jamoat xavfsizligi departamentining ma`lum qilishicha, avtohalokat bugun, 2022 yil 12 dekabr kuni soat 12:00 larda Olmazor tumani Farobiy ko`chasida sodir bo`lgan.
1972 yilda tug`ilgan haydovchi T.K. "Captiva" rusumli avtomobilda harakatlanayotib, oraliq masofani saqlamaganligi oqibatida haydovchi, 1977 yilda tug`ilgan Sh.K. boshqaruvidagi “Cobalt” hamda haydovchi, 1974 yilda tug`ilgan M.A. boshqaruvidagi "Spark" rusumli avtomobillarga to`qnashgan.
Hodisa natijasida "Spark" avtomobili yo`lovchisi M.R. tan jarohati bilan shifoxonaga olib ketilgan.
Mazkur YTH yuzasidan Toshkent shahar IIBB JXX YHXB xodimlari tomonidan surishtiruv harakatlari olib borilmoqda.
