Ijtimoiy tarmoqlarda Andijondagi metan "zapravka"larda pul bilan navbatsiz kirituvchi "reketchi"lar paydo bo`lgani aytilgan video xabar tarqaldi.
Videoxabar yuzasidan Andijon viloyati, Oltinko`l tumani IIB xodimlari tomonidan tezkor surishtiruv harakatlari olib borilgan.
Surishtiruv natijasida “SIFATLI METAN GAZ” MChJ avtomobillarga gaz quyish shoxobchasiga navbatsiz kiritayotgan shu tumanda yashovchi 2 nafar shaxslar K.O` va S.O.lar ekanligi aniqlangan.
Ushbu fuqarolarga nisbatan O`zbekiston Respublikasi MJtKning 183, 194-modda 1-qismi hamda 200-moddalariga asosan hujjatlar rasmiylashtirilib, qonuniy tartibda ko`rib chiqishlik uchun Jinoyat ishlari bo`yicha Oltinko`l tuman sudiga yuborilgan.
2022 yilning 12 dekabr kuni Jinoyat ishlari bo`yicha Oltinko`l tuman sudi tomonidan K.O` va S.O.larga nisbatan to`plangan ma`muriy huquqbuzarlik to`g`risidagi ish ko`rib chiqilib, ularga nisbatan 15 sutkadan ma`muriy qamoq jazosi tayinlandi.
