Qarshi shahrida “Nasaf” va “Sevinch” PFK jamoalarini joriy yilda qo`lga kiritgan yutuqlari bilan taqdirlash marosimi o`tkazildi.
Qayd etilishicha, joriy mavsum “Nasaf” futbol klubi tarixida o`chmas iz qoldirdi. “Ajdarlar” 2022 yilgi futbol mavsumida OChL guruh bosqichidan chiqib, pley-off yo`llanmasini qo`lga kiritdi. Coca-Cola Superligasida o`n birinchi bor bronza medallarini hamda uchinchi bor O`zbekiston Kubogini qo`lga kiritdi. “Nasaf” jamoasi OChL-2023 guruh bosqichida ham ishtirok etadi.
“Sevinch” ayollar jamoasi ham qisqa tanaffusdan so`ng o`z shohsupasiga qaytdi va oltin “dubl” qayd etdi. “Sevinch” jamoasi ham 2023 yilgi futbol mavsumida xalqaro maydonda to`p suradi.
Bugun har ikkala jamoamizni joriy futbol mavsumida qo`lga kiritgan yutuqlari e`tirof etildi. Viloyat hokimi "Nasaf" klubiga 500 million so`m taqdim etdi.
