Қарши шаҳрида “Насаф” ва “Севинч” ПФК жамоаларини жорий йилда қўлга киритган ютуқлари билан тақдирлаш маросими ўтказилди.
Қайд этилишича, жорий мавсум “Насаф” футбол клуби тарихида ўчмас из қолдирди. “Аждарлар” 2022 йилги футбол мавсумида ОЧЛ гуруҳ босқичидан чиқиб, плей-офф йўлланмасини қўлга киритди. Coca-Cola Суперлигасида ўн биринчи бор бронза медалларини ҳамда учинчи бор Ўзбекистон Кубогини қўлга киритди. “Насаф” жамоаси ОЧЛ-2023 гуруҳ босқичида ҳам иштирок этади.
“Севинч” аёллар жамоаси ҳам қисқа танаффусдан сўнг ўз шоҳсупасига қайтди ва олтин “дубл” қайд этди. “Севинч” жамоаси ҳам 2023 йилги футбол мавсумида халқаро майдонда тўп суради.
Бугун ҳар иккала жамоамизни жорий футбол мавсумида қўлга киритган ютуқлари эътироф этилди. Вилоят ҳокими "Насаф" клубига 500 миллион сўм тақдим этди.
