Ko`plab teletomoshabinlarning qalbidan chuqur joy olgan “Osmondagi bolalar” badiiy filmining uchinchi qismi ham suratga olinayotgani haqida xabar bergan edik.
Filmning AQShdagi tasvirga olish ishlari o`tgan yilning 29 dekabrida o`z nihoyasiga etdi. Shu bilan bir qatorda filmning tasvirga olish ishlari ham to`liq yakuniga etkazildi, deya xabar bermoqda Kinematografiya agentligi Axborot xizmati.
Qayd etilishicha, endilikda ijodiy guruh montaj va ovozlashtirish ishlariga kirishadi.
Ushbu filmning birinchi va ikkinchi qismlari xalqimizga manzur bo`lgan va tomoshabinlar qalbidan joy olgan edi. Filmning uchinchi qismida qahramonlarning voyaga etgan davrlaridagi voqealar haqida so`z boradi.
Film postanovkachi rejissyori Zulfiqor Musoqov, ikkinchi rejissyor Muattar Mirredjabova, postanovkachi operator Azizbek Arziqulov, postanovkachi rassom Mariya Soshina, liboslar bo`yicha rassom Irina Litvinenko, kartina direktori Shuhrat Hamidullaev.