O`zbekiston Respublikasi Tashqi ishlar vazirligi bayonoti Kobul shahrida Afg`oniston Tashqi ishlar vazirligi binosi yaqinida sodir etilgan terrorchilik xuruji yuzasidan rasmiy bayonot berdi.
“Joriy yil 11 yanvar kuni Kobul shahrida Afg`oniston Tashqi ishlar vazirligi binosi yaqinida sodir etilgan terrorchilik xurujini keskin qoralaymiz.
Ushbu qabih harakat ko`plab insonlar, asosan, tashqi siyosat idorasi xodimlari orasida qurbonlarga sabab bo`ldi.
Halok bo`lganlarning oila a`zolari va yaqinlariga chuqur hamdardlik bildirib, jarohatlanganlarning tezroq sog`ayib ketishini tilaymiz”, - deyiladi bayonotda.
Eslatib o`tamiz, 11 yanvar kuni Kobulda TIV binosi oldida portlash sodir bo`lib, 7 kishi halok bo`ldi, 10 kishi yaralandi. Portlashni IShID o`z zimmmasiga oldi.