Bu haqda Prezident Shavat Mirziyoev ishtirokida bo`lib o`tgan maktablarda xorijiy tillar va kasb o`rgatish tizimini rivojlantirish masalalari bo`yicha kengaytirilgan yig`ilishda ma`lum qilindi.
Qayd etilishicha, maktab bitiruvchilarining 50 foizi mehnat bozoriga hech qanday kasbga ega bo`lmasdan kirib kelmoqda.
Shundan kelib chiqib, endi tuman va mahallalarning xususiyatidan kelib chiqib, o`quvchilar maktabning o`zida 64 xil ishchi kasblarga o`rgatilishi ko`zda tutilmoqda.
Shu bois hokimliklarga ushbu tanlab olingan maktablarda kasb-hunar ustaxonalari tashkil etish, ularni jihozlash va zarur ashyolar bilan ta`minlash vazifasi qo`yildi. Bunga yoshlar etakchilari va tadbirkorlar ham jalb etiladi, Yoshlar jamg`armasidan mablag`lar yo`naltiriladi.
– Hozir tadbirkorlar, ishlab chiqaruvchilarni shu masala qiynayapti: bo`sh ish joyi ko`p, oyligi ham yaxshi, lekin o`quvi va ko`nikmasi bor ishchi yo`q. Agar bu tizim to`g`ri tashkil qilinsa, bizdagi demografik o`sish bilan katta natijalarga erishsa bo`ladi, – dedi davlatimiz rahbari.
Shuningdek, o`quvchilarni axborot texnologiyalari va “kreativ industriya” bo`yicha zamonaviy kasblarga o`rgatish muhimligi ta`kidlandi.
