Qo`qon shahrida xizmat uchun biriktirilgan, 40 171 VSF davlat raqamli avtomobil piyodalar yo`lagini to`sib qo`ygani aks etgan surat ijtimoiy tarmoqlarda tarqaldi. Holat bo`yicha Farg`ona viloyati IIB ma`lumot taqdim etdi.
Ma`lum bo`lishicha, 2023 yilning 20 yanvar kuni Farg`ona viloyati IIB Jamoat xavfsizligi xizmati Yo`l-harakati xavfsizligi boshqarmasi 2-mintaqaviy hudud Yo`l-patrul xizmati otryadi komandir o`rinbosari mayor Sh.M. xizmatda foydalanish uchun o`ziga biriktirilgan “Tracker” rusumli, davlat raqami 40 171 VSF bo`lgan maxsus transport vositasini Qo`qon shahar A.Navoiy ko`chasida yo`l harakati qoidalarining 91-bandini buzib, piyodalar o`tish joyida qoldirgan.
Mazkur holat yuzasidan mayor Sh.M.ga nisbatan shu kunning o`zida Ma`muriy javobgarlik to`g`risidagi Kodeksning 128-moddasi prim 6-moddasi 1-qismiga asosan ma`muriy bayonnoma rasmiylashtirilib, bazaviy hisoblash miqdorining 2 baravari miqdorida (600.000 ming so`m) jarimaga tortildi.
