O`zbekistonda 18 yoshga to`lmaganlar ishlashi taqiqlangan og`ir ishlar ro`yxati e`lon qilindi.
2022 yil 28 oktyabrdagi "O`zbekiston Respublikasining Mehnat kodeksini tasdiqlash to`g`risida"gi qonunga muvofiq ushbu ro`yxat Vazirlar Mahakamasi tegishli qarori bilan tasdiqlanishi kutilmoqda.
Ro`yxatga ko`ra, voyaga etmaganlar mehnatidan quyidagi ishlarda foydalanishi taqiqlanadi:
- tog` ishlarida, metro, tunnellar va maxsus er osti inshootlari qurilishida;
- geologiya qidiruv va topografiyageodeziya ishlarida;
- metallurgiya sanoatida;
- issiqlik va elektr energiyasi ishlab chiqarish va uzatishda (energetika xo`jaligi);
- quduqlarni qazish, neft va gazni qazib olishda;
- neft, gaz, ko`mir, neft moylari va surtmalarini ishlab chiqarishda, magistral neft quvurlari, gaz quvurlari va neft bazalarida ishlashda;
- kimyoviy ishlab chiqarishda;
- neftkimyo sanoatida;
- mikrobioligik ishlab chiqarishda;
dori-darmon, tibbiyot, bakteriy va biologik preparat va mahsulotlar ishlab chiqarishda; - mashinasozlik va metallarni qayta ishlashda;
- uchuvchi apparat, dvigatel va ularning
- jihozlarini ta`mirlashda;
- elektrotexnika sanoatida;
- radiotexnika va elektronlar ishlab chiqarish;
- qurilish materiallari sanoatida;
- keramik mahsulotlarni ishlab chiqarishda;
- farfor va fayans buyumlarini ishlab chiqarishda;
- shisha va shisha buyumlarini ishlab chiqarishda;
- qurilish, montaj va ta`mirlash-qurilish ishlarida;
- yog`ochni qayta ishlab chiqarishda;
- to`qimachilik sanoatda;
- engil sanoatda;
- oziq-ovqat sanoatida;
- poligrafiya ishlab chiqarishida;
- transport barcha turlarining umumiy kasblari;
- badiiy va zargarlik buyumlari, musiqa asboblari ishlab chiqarishda;
- sog`liqni saqlash muassasalarining shifokorlarning-mehnat ekspertizasi, veterinar muassasalar, medisina, ilmiy tekshirish va o`quv muassasalari, bakteriya va virus preparatlari korxonalari va farmasevtik fabrikalarida.
Ro`yxatning to`liq matni va voyaga etmaganlar ishlashi taqiqlangan ish turlari bilan quyidagi havola orqali tanishish mumkin.
Mazkur qaror 2023 yil 1 maydan kuchga kiradi va manfaatdor vazirlik va idoralar o`zlari qabul qilgan normativ-huquqiy hujjatlarni ushbu qarorga muvofiqlashtiradi.
