Dubayda birinchi marta 3D bosma masjid quriladi

Dunyo 26.01.2023, 21:52
Dubayda birinchi marta 3D bosma masjid quriladi

Amirlikning eng qadimiy mahallalaridan biri Bur Dubayda dunyodagi birinchi 3D bosma masjid quriladi. Bu haqda Dubayning Islomiy ishlar va xayriya boshqarmasi ma`lum qildi.

Xabarda aytilishicha, boshqarma masjid qurilish ishlarini joriy yilning oktabr oyida boshlab, 2025 yilning birinchi choragida yakunlashni rejalashtirgan.

Masjid 2000 kvadrat metrni tashkil etib, 600 nafar namozxonni sig`dira olishi aytilmoqda.

Shuningdek, uning konstruksiyasiga 3D bosib chiqarishning o`zi uchun taxminan to`rt oy kerak bo`ladi. Tegishli jihozlar bilan to`liq jihozlash uchun esa yana 12 oy vaqt ketadi.

Bunda soatiga ikki kvadrat metr 3D bosib chiqarilishi uchun 3 ta xodim robot printerlar bilan ishlaydi. Masjidni qurish uchun xom ashyo va puxta tayyorlangan betondan foydalaniladi.

Shuningdek, masjidni qurish narxi odatdagidan 30 foizga qimmatroq bo`lishi mumkin. Sababi u dunyodagi birinchi bunday turdagi masjid bo`ladi.

Sharhlar

Ob-havo: Toshkent
Valyuta kursi
1