O`zbekiston Prezidenti Shavkat Mirziyoev Qirg`izistonga tashrifi doirasidagi kengaytirilgan tarkibdagi yig`ilishda nutq so`zladi:
"Biz har bir masalani har tomonlama puxta, shoshilmasdan ko`rib chiqdik. Va bizda endi hech qanday muammoli savollar yo`q.
Qirg`iziston va O`zbekiston mustaqilligining 31 yili davomida tarixda birinchi marta bunday darajadagi munosabatlarga erishdi. Hamkasbim Sadir Nurgojaevichga shaxsan qo`llab-quvvatlagani uchun alohida minnatdorchilik bildirmoqchiman.
Chegara masalalarida ham uning siyosiy irodasi bo`lmaganida, natijaga erishmagan bo`lardik. Xuddi avvalgidek: «Ha, qilamiz, lekin ertaga va indinga...» deyish mumkin edi. Ammo «ertaga» deyish bilan 30 yil o`tdi va biz bu masalalarni hal qilganimiz yo`q. Shuning uchun, ayniqsa, Qirg`iziston Prezidentiga yana bir bor o`z minnatdorchiligimni bildirmoqchiman", - dedi Mirziyoev.
Shavkat Mirziyoev hamda Sadir Japarov O`zbekiston Respublikasi bilan Qirg`iziston Respublikasi o`rtasida har tomonlama strategik sheriklik to`g`risida Deklarasiyani imzoladi.
Shuningdek, davlat rahbarlari huzurida turli sohalar bo`yicha hamkorlikka oid 20 dan ortiq hujjatlar almashildi.