Ўзбекистон Президенти Шавкат Мирзиёев Қирғизистонга ташрифи доирасидаги кенгайтирилган таркибдаги йиғилишда нутқ сўзлади:
"Биз ҳар бир масалани ҳар томонлама пухта, шошилмасдан кўриб чиқдик. Ва бизда энди ҳеч қандай муаммоли саволлар йўқ.
Қирғизистон ва Ўзбекистон мустақиллигининг 31 йили давомида тарихда биринчи марта бундай даражадаги муносабатларга эришди. Ҳамкасбим Садир Нургожаевичга шахсан қўллаб-қувватлагани учун алоҳида миннатдорчилик билдирмоқчиман.
Чегара масалаларида ҳам унинг сиёсий иродаси бўлмаганида, натижага эришмаган бўлардик. Худди аввалгидек: «Ҳа, қиламиз, лекин эртага ва индинга...» дейиш мумкин эди. Аммо «эртага» дейиш билан 30 йил ўтди ва биз бу масалаларни ҳал қилганимиз йўқ. Шунинг учун, айниқса, Қирғизистон Президентига яна бир бор ўз миннатдорчилигимни билдирмоқчиман", - деди Мирзиёев.
Шавкат Мирзиёев ҳамда Садир Жапаров Ўзбекистон Республикаси билан Қирғизистон Республикаси ўртасида ҳар томонлама стратегик шериклик тўғрисида Декларацияни имзолади.
Шунингдек, давлат раҳбарлари ҳузурида турли соҳалар бўйича ҳамкорликка оид 20 дан ортиқ ҳужжатлар алмашилди.
