Joriy yilning 31 yanvar kuni Yangihayot tumanida zo`rlik va qotillik alomatlari bilan 12 yoshli qizning murdasi topilgan.
Bosh prokuratura holat yuzasidan batafsil ma`lumot berdi.
Mazkur holat yuzasidan Yangihayot tumani prokuraturasi tomonidan Jinoyat kodeksining 97-moddasi 2-qismi "v,z" bandlari bilan jinoyat ishi qo`zg`atilgan.
Jinoyat ishi bo`yicha gumonlanuvchi shaxs (29 yoshli erkak) Jinoyat-prosessual kodeksining 221-moddasi tartibida ushlangan.
Ma`lumot o`rnida, gumonlanuvchi shaxs marhumaning xonadonida 2022 yilning yoz oyilarida yollanma ishchi sifatida ta`mirlash ishlarini amalga oshirgan.
"Mazkur ish bo`yicha haqiqatni aniqlashga to`sqinlik qilish holatlarini oldini olish maqsadida fuqarolarning sha`ni va qadr-qimmatini kamsitadigan ma`lumotlar va boshqa tafsilotlar oshkor qilinmaydi" deyiladi xabarda.