Turkiyaning Tabiiy ofatlar va favqulodda vaziyatlar boshqarmasidan (AFAD) olingan so`nggi ma`lumotlarga ko`ra:
▪️ Qahramanmarashda sodir bo`lgan 7,7 magnitudali zilziladan so`ng hozirgacha jami 1117 ta zilzila sodir bo`ldi.
▪️ Zilzila zonasida olib borilayotgan qutqaruv ishlarida jami 113 201 nafar xodim hamda 5 557 ta avtomashina va zarur ish texnikalari ishlamoqda.
▪️ Salomatlik va muvofiqlashtirish markazidan (SAKOM) olingan ma`lumotlarga ko`ra, soat 07:45 holatiga ko`ra, 12873 nafar fuqaro halok bo`lgan, 62937 nafar fuqaro tan jarohati olgan.
▪️ Turkiya Tashqi ishlar vazirligi bilan o`tkazilgan uchrashuvlar natijasida boshqa davlatlardan yordam berish maqsadida kelgan 5709 nafar xodim ofat hududiga yuborildi.
▪️ Harbiy havo kuchlari, quruqlik qo`shinlari, dengiz floti, qirg`oq xavfsizligi va jandarm qo`mondonligi bilan Xavfsizlik bosh boshqarmasiga bo`ysinuvchi jamiki tarkip va 22 ta kema, 160 ta samolyot/vertolyot hududlarda ish olib bormoqdalar.
▪️ Zilziladan jabr ko`rgan hududlarga Qizil Yarim oy jamiyati va Nodavlat notijorat tashkilotlari tomonidan jami 140 ta ko`chma oshxona/nonvoyxona va vaqtinchalik xizmat ko`rsatish uchun tashkil etilgan oshxonalar 79 ta umumiy ovqatlanish avtomashinalari bilan etkazib berildi.
▪️ Hududlarga 1502 nafar shaxsiy tarkib va 145 ta avtomashina psixo-ijtimoiy yordam ko`rsatish uchun jo`natildi.
▪️ Boshpana ehtiyoji uchun 137 929 ta chodir, 101304 yotoq, 1 255 500 adyol zilziladan zarar ko`rgan hududlarga jo`natildi.
