Туркиянинг Табиий офатлар ва фавқулодда вазиятлар бошқармасидан (AFAD) олинган сўнгги маълумотларга кўра:
▪️ Қаҳраманмарашда содир бўлган 7,7 магнитудали зилзиладан сўнг ҳозиргача жами 1117 та зилзила содир бўлди.
▪️ Зилзила зонасида олиб борилаётган қутқарув ишларида жами 113 201 нафар ходим ҳамда 5 557 та автомашина ва зарур иш техникалари ишламоқда.
▪️ Саломатлик ва мувофиқлаштириш марказидан (SAKOM) олинган маълумотларга кўра, соат 07:45 ҳолатига кўра, 12873 нафар фуқаро ҳалок бўлган, 62937 нафар фуқаро тан жароҳати олган.
▪️ Туркия Ташқи ишлар вазирлиги билан ўтказилган учрашувлар натижасида бошқа давлатлардан ёрдам бериш мақсадида келган 5709 нафар ходим офат ҳудудига юборилди.
▪️ Ҳарбий ҳаво кучлари, қуруқлик қўшинлари, денгиз флоти, қирғоқ хавфсизлиги ва жандарм қўмондонлиги билан Хавфсизлик бош бошқармасига бўйсинувчи жамики таркип ва 22 та кема, 160 та самолёт/вертолёт ҳудудларда иш олиб бормоқдалар.
▪️ Зилзиладан жабр кўрган ҳудудларга Қизил Ярим ой жамияти ва Нодавлат нотижорат ташкилотлари томонидан жами 140 та кўчма ошхона/нонвойхона ва вақтинчалик хизмат кўрсатиш учун ташкил этилган ошхоналар 79 та умумий овқатланиш автомашиналари билан етказиб берилди.
- Ҳудудлардаги фуқароларга шўрва, иссиқ овқат, егулик маҳсулотлар ва ичимликлар тарқатилмоқда.
▪️ Ҳудудларга 1502 нафар шахсий таркиб ва 145 та автомашина психо-ижтимоий ёрдам кўрсатиш учун жўнатилди.
▪️ Бошпана эҳтиёжи учун 137 929 та чодир, 101304 ётоқ, 1 255 500 адёл зилзиладан зарар кўрган ҳудудларга жўнатилди.
