Istanbul Texnika Universiteti Favqulodda vaziyatlar va tabiiy ofatlarni boshqarish bo`limi o`qituvchisi Prof. Dr. Mikdat Kadiog`lu, Istanbulda kutilayotgan dahshatli zilzila haqida xabar berdi.
"Istanbulda so`nggi falokatdan 3-4 barobar kuchliroq fojea bo`ladi. Birinchi zilzilada tasodif tufayli ko`plarni qutqardik, Istanbul zilzilasida hamma vayronalar ostida qoladi",–degan professor.
NTV telekanali intervyu bergan Kadiog`lu, 6 fevraldagi Qahramanmarosh zilzilalarining vayronagarchiliklarga e`tibor qaratdi va kutilayotgan Istanbul zilzilasi haqida ogohlantirdi.
"Mayli, uddalaymiz, uka" degan mentalitet Istanbulda hech qachon ishlamaydi. Biz hozir qilishimiz kerak bo`lgan ishni qilamiz. Aks holda, ofatdan keyin ko`p yig`laymiz”,–dedi Kadiog`lu.
TUIKning so`nggi ma`lumotlariga ko`ra, Istanbul aholisi allaqachon 16 millionga etgan. Bu mumkin bo`lgan zilziladagi eng katta kamchiliklardan biri bo`lishi kutilmoqda.
Kadiog`lu bu masalaga ham e`tibor qaratib, zilzila sodir bo`lsa, Istanbulda 100 mingga yaqin bino butunlay qulashini taxmin qildi. Shuningdek professor Turkiyada tabiiy ofatlarga qarshi kurashish tizimini ham tanqid qilgan.
"Turkiya tabiiy ofatlarni boshqara olmaydi. Tabiiy ofatlarni boshqarish - bu falokatdan keyin qidirish va qutqarish, oziq-ovqat tarqatish yoki vayronalar ostidan odamlarni yig`ish emas. Tabiiy ofatlarni boshqarish - bularning barchasini bartaraf etish choralarini ko`rishdir",–degan u.
