Respublika shoshilinch tibbiy yordam ilmiy markazida bir yilda 200 dan ziyod buyrak va jigar transplantasiyasi amalga oshirildi

Salomatlik 12.03.2023, 17:09
Respublika shoshilinch tibbiy yordam ilmiy markazida bir yilda 200 dan ziyod buyrak va jigar transplantasiyasi amalga oshirildi

Yiliga 200 dan ziyod buyrak va jigar transplantasiyasini bajarish yo`lga qo`yilgan muassasa

Bugun yurtimizda shoshilinch tibbiy yordam xizmatini rivojlantirish, sohaga innovasion diagnositka va davolash usullarini tatbiq etishga alohida e`tibor qaratilmoqda.  

Bunda so`nggi 6 yilda Respublika shoshilinch tibbiy yordam ilmiy markazi faoliyatini tashkil etish va rivojlantirish bo`yicha Prezidentimiz tomonidan qabul qilingan 6 ta farmon va qaror huquqiy asos bo`lib xizmat qilyapti.  

Markaz bosh direktori Davron To`laganovning aytishicha, o`tgan yili tumanlardagi 181 ta shoshilinch tibbiy yordam qabul bo`limida yangi “Emergency Department” tuzilmasi tashkil etilib, shoshilinch tibbiy yordamga muhtoj bemorlarni qabulxonaning o`zida ko`rikdan o`tkazish va eng zarur yordamlar ko`rsatish yo`lga qo`yildi.

Qolaversa, Tez tibbiy yordam xizmati alohida tizim sifatida shoshilinch tibbiy yordam tarkibidan ajratildi.

Yuqori salohiyatga ega markazda hozir 9 ta ilmiy grant loyihasi amalga oshirilmoqda. 12 ta yo`nalishda klinik ordinatura dasturlari va Tibbiyot xodimlarining kasbiy malakasini rivojlantirish markazi 8 ta kafedrasi faoliyat yuritmoqda.

Bu erda 2022 yili 75 o`rinli yuqori texnologik yangi xirurgiya majmuasi barpo etilib, to`liq jihozlandi. Prezidentimiz ushbu muassasaga tashrifi chog`ida kelgusidagi ustuvor vazifalarni belgilab berdi.  

Bino to`liq quvvatda ishga tushirilgach, kardioxirurgiya bo`limida yiliga 700 dan ortiq ko`tariluvchi aorta va yurak klapanlarni protezlash, ko`p tomirli aorto-koronar shuntlash operasiyalarini o`tkazish imkoniyati paydo bo`ladi.

Bundan tashqari, hududlarda Jahon bankining kredit mablag`lari hisobiga jihozlangan 39 ta tumanlararo qo`shma shikastlanishlar va o`tkir yurak-qon tomir markazi tashkil qilinishi natijasida bemorlarni yuqori texnologik yordam ko`rsata oladigan muassasaga olib borish radiusi o`rtacha 40-70 km.dan 15-25 km.gacha qisqardi.  

Natijada tumanlar miqyosida shoshilinch holatlar bo`yicha o`lim ko`rsatkichlari va tuman tibbiyot birlashmalaridan viloyat markazlariga bemorlarni tashish darajasi sezilarli darajada kamaydi.  

Etiborlisi, 2023 yil yakunigacha yana 9 ta ana shunday tumanlararo markaz qurilishi rejalashtirilgan.

Markazning transplantologiya bo`limida yiliga 200 dan ziyod buyrak va jigar ko`chirib o`tkazish amaliyotlarini bajarish uchun zarur sharoitlar yaratiladi.

Neyro-qon tomir xirurgiyasi bo`limida bosh miyaning qon tomir nuqsonlarini xirurgik davolash natijasida yiliga 200 nafardan ziyod og`ir nogironlikka mahkum bo`lgan bemorlarda noyob amaliyotlar bajariladi.

Intervension muolajalar bo`limida har yili qo`shimcha 1000 dan ziyod o`tkir koronar sindrom, bosh miya qon aylanishining o`tkir buzilishida yuqori darajadagi minimal invaziv diagnostika va davolash muolajalari amalga oshiriladi.

️Binobarin, shu yil markazda jigar transplantasiyasini yo`lga qo`yish rejalashtirilgan.

2024 yildan boshlab esa muassasada Pirogov nomidagi Rossiya milliy ilmiy-tekshirish tibbiyot universitetining ikkita yo`nalish bo`yicha klinik ordinatura dasturi boshlanishi kutilmoqda.

Sharhlar

Ob-havo: Toshkent
Valyuta kursi
1