1

Mirziyoev Kegeylida 6 ta yangi korxonani ishga tushirdi

Jamiyat 30.03.2023, 21:42
Mirziyoev Kegeylida 6 ta yangi korxonani ishga tushirdi

Qoraqalpog`iston mahallalarini qo`llab-quvvatlash jamg`armasini tashkil etish, uning doirasida har bir mahallaga 500 million so`mdan mablag` ajratish, uy-joylar, bolalar bog`chalari qurish va yangi ish o`rinlari yaratish ko`zda tutilgan.

Kegeyli tumanida davlat rahbari ishtirokida Qoraqalpog`istonni iqtisodiy va ijtimoiy rivojlantirish masalalariga bag`ishlangan yig`ilish bo`lib o`tdi.

Tadbir avvalida 6 ta yangi korxona – Beruniy tumanidagi «Beruniy bug`doy klaster» va «Rayxon kiyim-kechak», Qorao`zak tumanidagi «Qoraqalpoq sement», Qo`ng`irot tumanidagi «KKRasi kemikal» korxonasi, Nukus shahridagi «Azimut hotel» va To`rtko`l tumanidagi «Xozagro» korxonalari ishga tushirildi.

Bu korxonalarda jami 1,1 ming doimiy ish o`rni yaratiladi, ularning faoliyati natijasida hududiy mahsulot ishlab chiqarishga 300 milliard so`m, eksportga 20 million dollar qo`shiladi.

Shavkat Mirziyoev ramziy tugmani bosib, yangi korxonalarni ishga tushirdi.

"Biz bir xalqmiz va bir davlatmiz! Barcha viloyatlar Qoraqalpog`iston taraqqiyotiga hissa qo`shishga intilmoqda. Har bir tumanga vazirlar, viloyatlar hokimlari, boshqarma va bank rahbarlari biriktirilgan. Buning samarasini barcha hududlarda ko`rish mumkin va bu ish to`xtamaydi", — dedi Shavkat Mirziyoev.

Shuningdek, yig`ilishda davlat rahbari Qoraqalpog`iston xalqi farovonligini yanada yuksaltirishga qaratilgan uchta yangi tashabbusni e`lon qildi.

Birinchidan, Qoraqalpog`istondagi 452 ta mahallaning har biriga 500 million so`mdan qo`shimcha mablag` ajratiladi. Buning uchun Qoraqalpog`iston mahallalarini qo`llab-quvvatlash bo`yicha alohida jamg`arma tashkil etilib, unga joriy yilda 250 milliard so`m mablag` yo`naltiriladi.

Ikkinchidan, kadastrga ega bo`lmagan 38 mingta turar-joy va noturar-joy ob`ektlariga ko`chmas mulkka tegishli hujjatlar rasmiylashtiriladi.

Uchinchidan, aholi talabini inobatga olgan holda joriy yilda 4 mingta uy-joy quriladi. Shuningdek, respublika aholisiga zamonaviy loyiha bo`yicha 4 mingta yakka tartibdagi uy-joy qurish uchun 4 sotix er maydoni ajratiladi.

Shuningdek, ish o`rinlarini ko`paytirish, oziq-ovqat xavfsizligini ta`minlash, ijtimoiy infratuzilmani yaxshilash masalalariga ham alohida e`tibor qaratildi.

Qoraqalpog`istonda rasman 72 ming ishsiz bor. Har yili mehnat bozoriga 43 ming nafar yoshlar kirib keladi. Shuni hisobga olib, 193 ming ish o`rni yaratish, Qoraqalpog`istonni ishsizlikdan xoli hududga aylantirish maqsad qilingan edi. Bu borada yirik korxona va klasterlar, tog`-kon sanoati, oilaviy tadbirkorlik, kasanachilik va qishloq xo`jaligida imkoniyatlar ko`rsatilmoqda.

2022 yilda aholiga oziq-ovqat mahsulotlari mo`l-ko`lligi va ta`minlanishi uchun 6,6 ming gektar er maydoni ajratildi. Joriy yilda yana 6 ming gektar maydon ajratilib, sabzi, piyoz, kartoshka kabi kundalik mahsulotlarga bo`lgan ehtiyoj qoplanadi. Bo`ston kanalini betonlash orqali Ellikqal`a, To`rtko`l va Beruniy tumanlarida 100 ming gektar maydonning suv ta`minoti yaxshilanadi. Dalalarning perimetri bo`ylab 3,6 ming gektar maydonda qovoq, uzum va sabzavotlar, jami 42 ming tonna mahsulot etishtiriladi.

Shuningdek, maktabgacha ta`lim muassasalarini qurish, maktab va shifoxonalarni ta`mirlash, jumladan, 9 ta tumanda issiqlik ta`minoti uchun ham qo`shimcha mablag`lar ajratiladi. Yo`llarni ta`mirlash, elektr energiyasi taqchilligini bartaraf etish choralarini ko`rish bo`yicha ko`rsatmalar berildi.

Shuningdek, ish o`rinlarini ko`paytirish, oziq-ovqat xavfsizligini ta`minlash, ijtimoiy infratuzilmani yaxshilash masalalariga ham alohida e`tibor qaratildi.

Qoraqalpog`istonda rasman 72 ming ishsiz bor. Har yili mehnat bozoriga 43 ming nafar yoshlar kirib keladi. Shuni hisobga olib, 193 ming ish o`rni yaratish, Qoraqalpog`istonni ishsizlikdan xoli hududga aylantirish maqsad qilingan edi. Bu borada yirik korxona va klasterlar, tog`-kon sanoati, oilaviy tadbirkorlik, kasanachilik va qishloq xo`jaligida imkoniyatlar ko`rsatilmoqda.

2022 yilda aholiga oziq-ovqat mahsulotlari mo`l-ko`lligi va ta`minlanishi uchun 6,6 ming gektar er maydoni ajratildi. Joriy yilda yana 6 ming gektar maydon ajratilib, sabzi, piyoz, kartoshka kabi kundalik mahsulotlarga bo`lgan ehtiyoj qoplanadi. Bo`ston kanalini betonlash orqali Ellikqal`a, To`rtko`l va Beruniy tumanlarida 100 ming gektar maydonning suv ta`minoti yaxshilanadi. Dalalarning perimetri bo`ylab 3,6 ming gektar maydonda qovoq, uzum va sabzavotlar, jami 42 ming tonna mahsulot etishtiriladi.

Shuningdek, maktabgacha ta`lim muassasalarini qurish, maktab va shifoxonalarni ta`mirlash, jumladan, 9 ta tumanda issiqlik ta`minoti uchun ham qo`shimcha mablag`lar ajratiladi. Yo`llarni ta`mirlash, elektr energiyasi taqchilligini bartaraf etish choralarini ko`rish bo`yicha ko`rsatmalar berildi.

Sharhlar

Ob-havo: Toshkent
Valyuta kursi
1