Ijtimoiy tarmoqlarda O`zbekiston xalq artisti Malika Axmedova tergov harakatlaridan norozi bo`lib yo`llagan videomurojaati tarqaldi.
Unga asosan 11 aprel kuni M.Axmedova Mirzo Ulug`bek tumani prokurori Aliakbar Pulatovning qabuliga taklif qilingan. Uning tergov bilan bog`liq e`tiroz va vajlari tinglandi.
Qabul davomida Malika Ahmedovaga tuman prokuraturasiga taqdim qilingan jinoyat ishi tegishli tartibda o`rganib chiqilganligi va tergov organiga ish bo`yicha qo`shimcha tergov harakatlarini o`tkazish haqida yozma ko`rsatma berilganligi tushuntirildi.
Ma`lumot tariqasida: 8 aprel kuni jinoyat ishi ayblov xulosasini tasdiqlash va sudga yuborish uchun tuman prokuraturasiga taqdim qilingan.
