Toshkentga Xitoydan olib kelingan 223 ta yangi avtobus va elektrobuslar aynan havodagi zaharli tashlamalarni kamaytirishga xizmat qiladi. Bu haqda Tabiat resurslari vazirligi ma`lum qilmoqda
Negaki mazkur jamoat transporti vositalari ekologik jihatdan xavfsiz hisoblanadi.
Yangi transport vositalari bugundan poytaxt ko`chalarida 1000 dan ortiq yo`nalishda harakatlanmoqda. Natijada atmosfera havosiga chiqariladigan zaharli gazlar miqdori bir yilda o`rtacha 1,2 ming tonnaga kamayishiga erishiladi.
Ma`lumot o`rnida, 2022-yilning fevral oyida Toshkent shahriga Xitoyda ishlab chiqarilgan ekologik toza, har tomonlama qulay va zamonaviy bo`lgan 20 dona elektrobus olib kelingan edi. 2025-yilgacha esa yana 673 ta elektrobus xarid qilish rejalashtirilgan.
