Statistika agentligining dastlabki ma`lumotlarga ko`ra, O`zbekistonda 2023 yil 1 aprel holatiga doimiy aholi soni 36 197 781 kishini tashkil etgan. Bu ko`rsatkich 2022 yilning shu davri bilan solishtirilganda 2,2 % ga ko`paygan.
2023 yilning 1 yanvar holatiga O`zbekiston doimiy aholisining yosh guruhlari bo`yicha tarkibi:
- mehnatga layoqatli yoshdan kichiklar – 11,4 mln. kishi (31,7 %)
- mehnatga layoqatli yoshdagilar – 20,5 mln. kishi (56,8 %)
- mehnatga layoqatli yoshdan kattalar – 4,1 mln. kishi (11,5 %)ni tashkil etmoqda.
Tahlillarga ko`ra, Toshkent shahri, Jizzax, Namangan va Surxondaryo viloyatlari aholisi tez o`smoqda.
