Sirdaryolik xonanda televidenie va radio orqali tanilishni istagan fuqaro firibgarning tuzog`iga tushib qoldi. Bu haqda IIV huzuridagi Tergov departamenti xabar bermoqda.
Sirdaryo tumanida yashovchi 39 yoshli X.Sh.ni o`zini “Vodiy sadosi” radiosida ishlovchi “Muzaffar Ochilov”man deb tanishtirgan fuqaro chuv tushirdi.
Firibgar uninn qo`shiqlarini radioda reklama qilib berish evaziga jami 2.400.000 so`m hamda "ZO'R TV" kanaliga chiqarib berish uchun 400.000 so`m pullarini 9860 60 **** 3895 raqamli plastik kartasiga tashlash yo`li bilan qo`lga kiritgan.
So`ng uni aldab ketganligini anglagach, so`rab surishtirgan vaqtida o`zini “Muzaffar Ochilov” deb tanishtirgan shaxs radio sohasida ishlamasligi ma`lum bo`lgan.
Olib borilgan tergov-tezkor harakatlari natijasida, “Muzaffar Ochilov” aslida hech qaerda ishlamaydigan, Andijon viloyatida yashovchi 28 yoshli Yu.O. ekanligi aniqlangan.
Mazkur holat yuzasidan Sirdaryo tumani IIB huzuridagi Tergov bo`limi tomonidan Yu.O.ga nisbatan O`zbekiston Respublikasi Jinoyat kodeksning 168-moddasi 3-qismi “b” bandi (firibgarlik) bilan jinoyat ishi qo`zg`atilgan.
Tergov harakatlari davom etmoqda.
