Yozda er usti metrosida poezdlar tezligiga cheklov joriy etiladi

Yoz mavsumining boshlanishi munosabati bilan Toshkent shahrida havo harorati keskin ko`tarilishi va natijada er usti temir yo`llarining relslari hamda ularning po`lat qismlarida harorat juda yuqori bo`lishi, +70 darajaga etishi mumkin. 

Shu munosabat bilan temir yo`llardan foydalanish qoidalariga ko`ra, relslarning harorati +55 darajadan oshganda poezdlar harakati tezligi pasaytirilishi, ya`ni, relslarning harorati +60 darajagacha bo`lganda poezdlar harakati tezligi 40 km/soatdan, +65 darajagacha 25 km/soatdan oshmasligi, +70 va undan yuqori darajada esa poezdlar harakati taqiqlanishi belgilangan. 

Yuqoridagilarni e`tiborga olib, poezdlar harakati va yo`lovchilarning xavfsizligini ta`minlash maqsadida metropolitenning Er usti halqa yo`li va Sergeli yo`li uchastkalarida havo haroratining ko`tarilishi kuzatilgan vaqtlarda poezdlar harakati tezligining vaqtincha cheklovi joriy etiladi.