Buxorodagi Osiyo Xalqaro universiteti talabasi ijarada yashagan uyining 6-qavatidan o`zini tashlab, voqea joyida vafot etgan.
Bu haqda Bosh prokuratura Matbuot kotibi Hayot Shamsutdinov darakchi.uz'ga ma`lum qildi.
Hozirda ushbu holat yuzasidan prokuratura tomonidan tergovga qadar tekshiruv harakatlari olib borilmoqda.
Marhumning o`limi bo`yicha sudga oid tibbiyot ekspertizasi tayinlangan.
Shuningdek, marhumning o`z joniga qasd qilishiga sabab bo`lgan taxminlar ishlab chiqilib, tekshirilmoqda,- deyiladi xabarda.
