Bugun Sankt-Peterburg Xalqaro iqtisodiy forumida Rossiya gazini O`zbekistonga etkazib berish bo`yicha shartnoma va respublika gaz uzatish tizimini Rossiya gazini qabul qilishga tayyorlash bo`yicha “Yo`l xaritasi” imzolandi. Bu haqda Energetika vazirligi xabar berdi.
Hujjatlarni O`zbekiston Respublikasi Bosh vazirining o`rinbosari Jamshid Xo`jaev ishtirokida O`zbekiston Respulikasi Energetika vaziri Jo`rabek Mirzamahmudov hamda “Gazprom” OAJ Boshqaruvi Raisi Aleksey Miller imzoladi.
Rossiya gazini O`zbekistonga Qozog`iston hududi orqali eksport qilish 2023-yilning to`rtinchi choragidan boshlanadi.
