Бугун Санкт-Петербург Халқаро иқтисодий форумида Россия газини Ўзбекистонга етказиб бериш бўйича шартнома ва республика газ узатиш тизимини Россия газини қабул қилишга тайёрлаш бўйича “Йўл харитаси” имзоланди. Бу ҳақда Энергетика вазирлиги хабар берди.
Ҳужжатларни Ўзбекистон Республикаси Бош вазирининг ўринбосари Жамшид Хўжаев иштирокида Ўзбекистон Респуликаси Энергетика вазири Жўрабек Мирзамаҳмудов ҳамда “Газпром” ОАЖ Бошқаруви Раиси Алексей Миллер имзолади.
Россия газини Ўзбекистонга Қозоғистон ҳудуди орқали экспорт қилиш 2023-йилнинг тўртинчи чорагидан бошланади.
