Toshkent viloyatida telegramda nashida tarqatgan talaba yigit uch yilga qamalgani haqida xabar berilgan edi. Bugun Toshkent viloyat sudida unga oid jinoyat ishi uning himoyachilari tomonidan jinoyat ishlari bo`yicha Oqqo`rg`on tuman sudining 2023 yil 8 maydagi hukmi ustidan berilgan apellyasiya shikoyatlariga asosan ochiq sud bo`lib o`tdi. Bu haqda Oliy Sud Matbuot kotibi xabar berdi.
Mazkur jinoyat ishi Toshkent viloyat sudining jinoyat ishlari bo`yicha sudlov hay`ati sudyasi S. Ashirmatov raisligida hamda sudyalar H. Berdiqlichev va X. Usmonovdan iborat sud tarkibida ko`rib chiqildi.
Ma`lum bo`lishicha, Toshkent viloyat sudi jinoyat ishlari bo`yicha sudlov hay`ati apellyasiya instansiyasining 2023 yil 17 iyuldagi ajrimi bilan birinchi instansiya sudining J. U. ga nisbatan chiqarilgan hukmi o`zgarishsiz, shikoyatlar esa qanoatlantirilmasdan qoldirilgan.
Ushbu ajrim ustidan Oliy sudining Jinoyat ishlari bo`yicha sudlov hay`atiga kassasiya tartibida shikoyat berilishi yoki protest bildirilishi mumkinligi ma`lum qilindi.
