Ijtimoiy tarmoqlarda O`zbekiston musulmonlar idorasi Surxondaryo vakilligining xodimi M.Sayfuddinov va masjid xodimi F.Samatov o`rtasidagi o`zaro tortishuvi yozilgan audio tarqaldi.
O`zbekiston musulmonlari idorasi Ichki nazorat komissiyasi ushbu masalani ko`rib chiqqan.
Ma`lum bo`lishicha, mutaxassis M.Sayfuddinov va masjid xodimi F.Samatov o`rtasidagi kelishmovchilik uzoq vaqt davom etgan shaxsiy adovat natijasida sodir bo`lgan.
Shuningdek, yig`ilishda mutaxassisning mazkur muomalasi tizimda mehnat qiladigan har qanday maqomdagi xodimga mutlaqo to`g`ri kelmasligiga urg`u qaratildi.
Ishtirokchilar tomonidan mutaxassisning ushbu xatti-harakatlari ichki me`yoriy hujjatlarda belgilangan bandlarning qo`pol ravishda buzilishi, deb baholangan va Mo`minmirzo Sayfuddinov egallab turgan vazifasidan ozod etilgan.
