Ekologiya, atrof-muhitni muhofaza qilish va iqlim o`zgarishi vazirligining Aydar-Arnasoy ko`llar tizimi davlat inspektorlari hamda Jizzax viloyat prokuraturasi xodimlari bilan hamkorlikda navbatdagi reyd tadbiri bo`lib o`tdi, deya xabar bermoqda vazirlik axborot xizmati.
Aydar-Arnasoy ko`llar tizimi, Tuzkon bo`limi hududida o`tkazilgan reyd davomida Arnasoy tumani, "Baxtli" MFY, "Navro`z" qo`rg`onida yashovchi fuqaro Sh. M. tomonidan sanoatbop o`lchamdan kichik bo`lgan jami 175 bosh oqsila (sudak) baliqlari noqonuniy ravishda ovlanganligi aniqlandi.
Qonun buzishi natijasida hayvonot dunyosiga 57 million 750 ming so`m zarar etkazilganligi ma`lum bo`ldi.
Ashyoviy dalil sifatida noqonuniy ravishda ovlangan baliq mahsulotlari hamda 1 dona “Progress” rusumli qayiq va 1 dona "YAMAHA-30" rusumli qayiq motorlari olib qo`yildi.
Ushbu holatda jinoyat alomatlari borligi sababli to`plangan hujjatlar Jizzax viloyat prokuraturasiga yuborildi.
