Toshkentda Xalqaro muz ustida xokkey Federasiyasi (IIHF) vise-prezidenti Ayvaz Omorkanov va O`zbekiston xokkey Federasiyasi Prezidenti Baxtiyor Fazilov uchrashdi.
Muzokaralar O`zbekiston Respublikasida bo`lib o`tgan Osiyo Olimpiya Kengashi (OOK) va Xalqaro xokkey Federasiyasi (IIHF) bilan birgalikda tashkil qilingan xokkey oromgohi doirasida bo`lib o`tdi. Unda 30 dan ortiq Osiyo mamlakatlaridan tashrif buyurgan 100 dan ko`pyosh xokkeychilar ishtirok etmoqda.
Uchrashuv davomida Ayvaz Omorkanov ushbu tadbirni tashkil etish darajasini yuqori baholadi va O`zbekiston xokkey Federasiyasi tomonidan qisqa muddat davomida amalga oshirilgan ulkan ishlarni, Xumo Arenasidarivojlangan xokkey infratuzilmasi mavjudligini ta`kidlab o`tdi.
IIHFdan kelgan mehmon fursatdan foydalanib Baxtiyor Fazilovni O`zbekiston yoshlar xokkey jamoasining tarixiy muvaffaqiyati bilan shaxsan tabrikladi. Ular joriy yilning mart oyida bo`lib o`tgan Osiyo va Okeaniya chempionatida ilk bor ishtirok etib, g`oliblikni qo`lga kiritdilar. Shuningdek, O`XF rahbariga xokkeyning rivojlanishi ulkan shaxsiy hissasi uchun minnatdorchilik bildirdi.
Baxtiyor Fazilov ta`kidlaganidek, bunday g`alabalar mamlakatda xokkeyni ommalashtirishga olib kelmoqda va birinchi navbatdabolalarni orasida sportga qiziqishni uyg`otmoqda.
Uchrashuv davomida Xalqaro xokkey Federasiyasi nomidan 18 yoshgacha (U-18) bo`lgan sportchilar o`rtasida navbatdagi Osiyo va Okeaniya chempionatini 2024 yilda O`zbekistonda o`tkazish imkoniyati to`g`risida taklif bildirildi.
Ushbu taklifni O`zbekiston xokkey Federasiyasi rahbari qo`llab-quvvatladi va turnirni O`zbekistonda o`tkazilishi nafaqat mamlakatimiz, balki butun Markaziy Osiyoda xokkeyni yanada rivojlantirishga yaxshi turtki berishini, sportchilarimiz va muxlislarimiz uchun haqiqiy bayram bo`lishini ta`kidladi. Shuni qo`shimcha qilishkerakki, hozirda U-18 Respublikasi terma jamoasi yangi mavsumga faol tayyorgarlik ko`rmoqda va hozirda Omskda (Rossiya) o`quv-mashg`ulot yig`inini o`tkazmoqda.
Shuningdek, xokkey muxlislarini Toshkentning “Humo” jamoasi ishtirok etadigan bo`lajak o`yin mavsumida Pro Hokei Ligasy chempionatining qiziqarli uchrashuvlari kutmoqda. Jamoamiz uchun chempionat 9 sentyabr kuni tashqi o`yinlar bilan boshlanadi, birinchi mezbon uchrashuvlari 19 va 20 sentyabr kunlari Humo Arenada bo`lib o`tadi.
Muntazam mavsum davomida Humo Arenadajami kamida 50 ta o`yin bo`lib o`tilishi kutilmoqda.
