Ijtimoiy tarmoqlarda bojxona xodimi fuqaroni urganligi aytilgan video tarqalidi.
Holat yuzasidan Andijon viloyati bojxona boshqarmasi rasmiy munosabat bildirdi.
Ma`lum bo`lishicha, mazkur holat joriy yilning 14 iyun kuni sodir bo`lgan. Unda fuqaro M.A. "Do`stlik" chegara bojxona postida xizmat olib borayotgan xodimlarning qonuniy talablariga bo`ysunmasdan, ularning xizmat faoliyatiga qarshilik ko`rsatgan.
"Bojxona xodimlari tomonidan fuqaroga uning xatti-harakatlari amaldagi qonunchilik talablariga zid ekanligi yuzasidan tushuntirish ishlari olib borilgan. Qolaversa, belgilangan tartibda javobgarlikka tortilishi haqida ogohlantirilgan" deyiladi xabarda.
