Butunjahon boks assosiasiyasi (WBA) Murodjon Ahmadaliev (11-1, 8 KO)ning navbatdagi jangi yuzasidan buyruq e`lon qildi. Bu haqda O`zbekiston professional boks federasiyasi ma`lum qildi.
Qayd etilishicha, Ahmadaliev navbatdagi jangini yaponiyalik Tomoki Kameda (40-3, 22 KO)ga qarshi o`tkazadi.
Hozircha jang sanasi aniq emas. Tomonlar 30 kun ichida jang bo`yicha kelishuvga erishishlari lozim.
Agar kelishuv amalga oshmasa, promouterlik savdosi tashkil etiladi. Bu vaziyatda gonorar 50ga 50 teng holatda taqsimlanadi.
Ushbu jang g`olibi WBA chempioni Marlon Tapales (37-3, 19KO)ning kamari uchun rasmiy da`vogarga aylanadi.
Qayd etish mumkin, Murodjon Ahmadaliev o`ziga tegishli kamarni aynan filippinlik Marlon Tapales bilan jangda boy berib qo`ygandi.
WBA rasman hakamlarning qarorini bahsli deb topdi va revansh adolatli bo`lishi ma`lum qildi.