Bu haqda Xalqaro futbol tarixi va statistikasi federasiyasi (IFFHS) xabar berdi.
Kecha, 30 avgust kuni Saudiya Arabistonining “Al-Nasr” klubi sardori Krishtianu Ronaldu rasman milliy chempionatlarda raqib darvozasiga urilgan gollar soni bo`yicha jahon rekordini o`rnatdi.
U shu kuni Saudiya chempionati doirasida tashkil etilgan “Al-Nasr” va “Al-Shabob” klublari o`rtasidagi bahsda raqib darvozasiga 2 ta to`p kiritib, hisobidagi gollar sonini 517 taga etkazib qo`ydi.
Shu tariqa, Ronaldu Yozef Bitsan va Ferens Pushkashni 2 ta to`p nisbati bilan ortda qoldirdi. Ular milliy chempionat o`yinlarida 515 tadan golga mualliflik qilishgan.
