O`zbekistonda 2023 yilning birinchi yarim yilligida 7 732 nafar ayolga homiladorlik va tug`ish nafaqasi to`lab berildi. Bu haqda 2023 yil birinchi yarim yilligidagi byudjet ijrosi bo`yicha Iqtisodiyot va moliya vazirligi taqdim etgan hisobotda ma`lum qilindi.
Unga ko`ra, O`zbekistonda joriy yilning o`tgan davrida xo`jalik yurituvchi sub`ektlarda ishlovchi 7 732 nafar ayolga 15,4 milliard so`mlik homiladorlik va tug`ish nafaqasi to`lab berildi. Nafaqa olgan ayollarning eng ko`pi Toshkent shahriga, eng kami esa Jizzax viloyatiga to`g`ri kelgan.
Shuningdek, 2023 yilning yanvar iyun oylarida ijtimoiy nafaqa oluvchi oilalar o`rtacha soni 2 192,8 mingtaga (2 115,5 mingta bolalar nafaqasi, 77,3 mingta moddiy yordam) etdi (2022 yilning mos davriga nisbatan 23 foizga oshgan) hamda nafaqa to`lovlari uchun 6 071,3 milliard so`m mablag`, shundan 5 894,4 milliard so`m kam ta`minlangan oilalarga bolalar nafaqasi va 176,9 milliard so`m kam ta`minlangan oilalarga moddiy yordam uchun xarajat qilindi.
