Xitoyning Xanchjou shahrida bo`lib o`tayotgan Osiyo o`yinlarida qilichbozlikning sablya yo`nalishi bo`yicha O`zbekiston ayollar terma jamoasi g`alaba qozondi. Milliy Olimpiya Qo`mitasi Axborot xizmati xabar bermoqda.
Unga ko`ra, o`zbekistonlik qilichbozlar shiddatli ruhda kechgan final jangida yaponiyalik raqiblarini mag`lubiyatga uchratib, Osiyo o`yinlari chempioniga aylanishdi.
Eslatib o`tamiz, bu qilichbozlik sportida O`zbekiston uchun Osiyo o`yinlarida qo`lga kiritilgan birinchi oltin medal.