19 oktyabr kuni O`zbekiston mudofaa vaziri Bahodir Qurbonov Buxoro shahrida Ozarbayjon mudofaa vaziri Zokir Gasanovni qabul qildi.
Vazirlar Buxoro poligoniga borib, u erda harbiy delegasiyani rasmiy kutib olish marosimi bo`lib o`tdi.
Bahodir Qurbonov hamkasbini qutlar ekan, O`zbekiston va Ozarbayjon o`rtasidagi mudofaa sohasidagi ikki tomonlama hamkorlik ikki davlat armiyasini mustahkamlashga xizmat qilishini ta`kidladi.
Uchrashuvda Ozarbayjon va O`zbekiston o`rtasidagi harbiy, harbiy-texnikaviy, harbiy-ta`lim sohalarida hamkorlikni rivojlantirish istiqbollari, ikki davlat mutaxassislari delegasiyalarining muntazam o`zaro tashriflarini tashkil etish yuzasidan fikr almashildi.
Uchrashuv yakunlari bo`yicha tomonlar 2024 yilga mo`ljallangan harbiy hamkorlik bo`yicha memorandumni imzoladi.
