2023 yil yanvar-sentyabr oylarida O`zbekistonda elektron xizmatlar ko`rsatuvchi 52 ta xorijiy kompaniya tomonidan 48,3 mlrd so`m soliq to`langan. Bu haqda Soliq qo`mitasi matbuot xizmati xabar bermoqda.
Ma`lum qilinishicha, bu o`tgan yilning mos davriga nisbatan 1,5 barobar ko`p.
Ma`lumot o`rnida, elektron xizmatlar ko`rsatuvchi chet el yuridik shaxslari o`tgan chorakdan keyingi oyning 20-kunidan kechiktirmay soliq hisobotlarini taqdim etadi va soliqlarni to`laydi.
Bunda, to`langan soliqlarning 97 foizi elektron xizmatlar ko`rsatuvchi 10 ta xorijiy kompaniya hissasiga to`g`ri keladi:
- Meta - 18,7 mlrd so`m;
- Gogle - 14,9 mlrd so`m;
- appel - 9 mlrd so`m;
- boking.com - 1,2 mlrd so`m;
- Netlix - 916,7 mln so`m;
- Xsolla - 613,7 mln so`m;
- Yandex - 476,4 mln so`m;
- Adobe Systems - 326,5 mln so`m;
- Mirosoft - 326 mln so`m;
- Activision - 310,4 mln so`m.
