28-29 oktyabr kunlari Maltada Ukraina tinchlik formulasi bo`yicha uchinchi muzokaralar bo`lib o`tdi. Yig`ilish etakchilarning milliy xavfsizlik masalalari bo`yicha maslahatchilari darajasida o`tkazilgan, deya xabar bermoqda Zamon.uz.
Tadbirda 66 davlat ishtirok etdi. Xususan, ishtirokchilar orasida Rossiya ham o`rin olgan BRIKS blokiga a`zo Janubiy Afrika, Braziliya va Hindiston vakillari bor. Bundan tashqari, AQSh, Evropa Ittifoqi va Buyuk Britaniya, shuningdek, Ukraina va Rossiya o`rtasidagi mojaroda o`zini vositachi sifatida taklif qilgan Turkiya ham ishtirok etgan.
Ukraina rezidenti devoni rahbari Andrey Ermak o`zining Telegram`dagi sahifasida Malta va Ukraina hamraislarining mamlakat va butun dunyoda tinchlik o`rnatishning asosiy tamoyillariga bag`ishlangan uchrashuv yakunlari bo`yicha qo`shma bayonotini e`lon qildi.
Ermakning ta`kidlashicha, maslahatlashuvlar 66 davlat va xalqaro tashkilotlarning milliy xavfsizlik bo`yicha maslahatchilari va tashqi siyosat bo`yicha maslahatchilarining shaxsan va onlayn ishtirokini o`z ichiga olgan. Ular Ukraina va hamkor davlatlar vakillari o`rtasida, xususan, 2023 yil 24 iyun kuni Kopengagenda va 2023 yil 5 avgustda Jiddada bo`lib o`tgan so`nggi uchrashuvlarning davomi bo`ldi.
“Ochiq va konstruktiv uchrashuv chog`ida ishtirokchilar Ukraina uchun keng qamrovli, adolatli va mustahkam tinchlikka erishish va unga asoslanishi lozim bo`lgan asosiy tamoyillarni to`liq muhokama qildilar”, - deya ta`kidlaydi Ermak.
Ukraina uchun bunday tinchlikka erishish xalqaro tinchlik va xavfsizlikni mustahkamlashga muhim hissa qo`shadi.
Tinchlik BMT Nizomi, Ukraina suvereniteti va hududiy yaxlitligini hurmat qilish, BMT Bosh Assambleyasining tegishli rezolyusiyalari va xalqaro huquq tamoyillariga asoslanishi kerak.
2023 yil avgust oyida Jidda shahrida bo`lib o`tgan uchrashuvdan so`ng Kiev Ukrainada akkreditasiyadan o`tgan elchilar va taklif etilgan ekspertlar ishtirokida ishchi guruhlarini tuzgan edi.
Maltadagi uchrashuvda tomonlar keng qamrovli, adolatli va mustahkam tinchlikka erishish uchun quyidagi yo`nalishlar bo`yicha ishladilar:
—Yadro va radiasiya xavfsizligi;
—Oziq-ovqat xavfsizligi;
—Energiya xavfsizligi;
—Barcha mahbuslarni va deportasiya qilinganlarni ozod qilish;
—Ukrainaning hududiy yaxlitligini tiklash.
“Davlat va hukumat rahbarlari darajasida Global Tinchlik Sammitini o`tkazish tashabbusi muhokama qilindi va tomonlar ushbu tadbirga tayyorgarlik ko`rish uchun zarur choralarni ko`rishni rejalashtirmoqda”, - deydi Ermak.
Maltadagi sammitdan keyin Ukraina nimaga erishadi?
Ukraina prezidenti Vladimir Zelenskiy o`zining an`anaviy murojaatida ta`kidlaganidek, Maltada bo`lib o`tgan sammitda oltmish olti davlat vakillari ishtirok etgani yaxshi natijadir.
"Bizning dunyo haqidagi umumiy qarashimizni qo`llab-quvvatlagan barcha rahbarlar va mamlakatlarga rahmat. Va davlatlar vakolatini kengaytirish uchun imkoniyatlar mavjud.
Shunday qilib, dunyoda xalqaro huquqni chinakam qadrlaydigan har bir kishi o`zini va o`z qadriyatlarini ifoda etishi hamda tajovuzga qarshi global sa`y-harakatlarni qo`llab-quvvatlashi mumkin”, — dedi Vladimir Zelenskiy.
Shuningdek, u Kopengagendagi birinchi uchrashuvdan beri Ukraina tinchlik formulasini qo`llab-quvvatlash masalasida evolyusiya bo`lganini ta`kidladi.
Hozirda forumdagi ishtirokchi davlatlar soni 66 ga etdi. Bu, albatta, Ukraina tinchlik formulasini
