30 oktyabr kuni Moskvadagi Yoshlar saroyida "Fatyanovni kuylash vaqti" deb nomlangan yoshlar tanlovi bo`lib o`tdi.
Ushbu yoshlar tanlovining gala-konsertida ilk bor hamyurtimiz, Qoraqalpog`iston Respublikasida tug`ilgan, 22-estrada vokali bo`yicha musiqa maktabi o`quvchisi va Nukus shahridagi Madaniyat markazi tarbiyalanuvchisi Asemay Urakova qatnashdi.
Tadbir natijalariga ko`ra, estrada vokali tanlovining uchinchi bosqichiga muvaffaqiyatli o`tgan Asemay Urakova "Fatyanovni kuylash vaqti" tanlovida qatnashgani uchun tanlov diplomi va mukofotiga sazovor bo`ldi.
Ta`kidlash joizki, tanlov 2023 yilning martidan oktyabriga qadar bir necha bosqichda onlayn formatda o`tkazildi. Tanlov hakamlar hay`ati a`zolari tomonidan 1,5 ming ishtirokchi tanlab olindi, 27 nafar ijrochi, jumladan, hamyurtimiz, Qoraqalpog`iston Respublikasida tug`ilgan Asemay Urakova uning g`oliblaridan bo`ldi.
Gala-konsert davomida hamyurtimiz Rossiyada xizmat ko`rsatgan qo`shiqchi Elena Kalashnikova bilan bir sahnaga chiqdi.
Tadbirda Belarus, Qozog`iston, Qirg`iziston va Rossiya vakillari ham ishtirok etishdi.
Asemay Urakova 11 yoshda. U estrada vokali bo`yicha Qirg`iziston, Qozog`iston va O`zbekistonda o`tkazilgan ko`pgina xalqaro musobaqalarda Gran-pri sovrini va birinchi o`rinlarni qo`lga kiritgan.
