Navoiyda behayo saytga kirgan 405 fuqaro 142 mln so`mga chuv tushishdi

Jinoyat 22.11.2023, 14:37
Navoiyda behayo saytga kirgan 405  fuqaro 142 mln so`mga chuv tushishdi

31 yoshli gumonlanuvchi shaxs behayo saytlarga kirgan 405 nafar fuqarolarni chuv tushirgani aniqlandi. Bu haqda "Markaziy studiya” ko`rsatuvining xabar berdi.

Ma`lum bo`lishicha, ushbu soxta ilovaga kirgan fuqarolarga sayt ekranida O`zbekiston Respublikasi IIV Kiberjinoyatlarga qarshi kurashish bo`limidan bildirishnoma ko`ringan. Mazkur bildirishnoma gumonlanuvchi shaxs tomonidan quyidagicha yozilgan.

“Siz O`zbekiston Respublikasi Qonunchiligi bilan taqiqlangan materiallar ya`ni pedofiliya, zo`ravonlikni targ`ib qilish elementlariga ega bo`lgan pornografiya materaillari mavjud bo`lgan saytlarga tashrif buyurganingiz uchun blokirovka qilindingiz. Blokirovkani olish uchun siz ushbu davlat kartasiga 350 ming so`m miqdorida jarima to`lashingiz lozim”.

Natijada fuqarolar davlat kartasi deya ta`kidlangan ushbu shaxsning kartasiga pul o`tkazib berishga majbur bo`lgan. Gumondor esa soxta ilovaga tanishining karta raqamini kiritgan va ma`lum muddatdan keyin yana boshqa karta raqami bilan almashtirgan. Sababi kartalarga katta miqdorda pul mablag`lari tushavergach, shubha ug`otmaslik uchun yangi kartalarni kiritib borgan.

Natijada fuqarolardan 5 kun ichida 142 mln so`m miqdorida pul kelib tushgan.

Hozirda gumondor shaxs aniqlanib, hozirda mazkur holat yuzasidan surishtiruv ishlari olib borilmoqda.

Sharhlar

Ob-havo: Toshkent
Valyuta kursi
1