Toshkent shahar bojxona boshqarmasi tezkor tuzilmalari tomonidan DXX va ichki ishlar idoralari bilan hamkorlikda o`tkazilgan navbatdagi tezkor tadbirda salkam 460 ming dona salyut va petardalarning noqonuniy aylanmasiga chek qo`yilgan.
Bu haqda Bojxona Matbuot xizmati xabar bermoqda.
Avvaldan kuzatuvga olingan shaxs boshqaruvida Farg`ona vodiysidan poytaxt hududiga kirib kelgan Isuzu rusumli yuk avtotransport vositasi to`xtatilib tekshirilgan.
Avtomashina yukxonasidagi turp solingan qoplar ortiga yashirilgan qutilar bojxona xodimlarining diqqatini tortgan.
