Ukraina Mudofaa vazirligi razvedka bosh boshqarmasi boshlig`i Kirill Budanovning rafiqasi zaharlangan. Marianna Budanova kasalxonada. Bu haqda RBC-Ukrainaga maxsus xizmatlardagi manba xabar bergan.
Manbaga ko`ra, razvedka boshqarmasi boshlig`ining rafiqasi kasalxonaga yotqizilgan va davolash kursi allaqachon yakunlanmoqda.
Suhbatdoshning ta`kidlashicha, ayolga og`ir metalldan zaxarlanish tashxisi qo`yilgan. Bunday moddalar kundalik hayotda yoki harbiy ishlarda hech qanday tarzda ishlatilmaydi. Ulardan foydalanish zaharlanishga urinish ehtimolini ko`rsatishi mumkin, dedi u.
Manbaning qo`shimcha qilishicha, bu bir martalik zaharlanishmi yoki Marianna ma`lum vaqt davomida zaharlanganmi, hozircha noma`lum.
Ayni vaqtda maxsus xizmatlar Ukraina Mudofaa vazirligi Razvedka bosh boshqarmasi boshlig`i Kirill Budanovning rafiqasi zaharlangani haqidagi ma`lumotdan so`ng uning ahvoli haqida ma`lum qildi.
Razvedka xizmatlaridagi ikki manbaga ko`ra, Budanov zaharlanmagan. Uning salomatligi yaxshi.
