Vladimir Putin mamlakat og`ir demografik muammolarga duch kelganini ta`kidlab, ko`p farzandli bo`lish an`analariga qaytishni maslahat berdi.
Rossiya prezidenti Butunjahon rus xalqi kengashi yig`ilishida so`zlagan nutqida "bizning bobo-buvilarimiz uchun ko`p farzandli bo`lish odat", - deya aytib o`tdi. Uning aytishicha, avvalgi avlodlarda har bir oilada 7-8 nafar farzand bo`lgan.
Rossiya rahbari demografik muammolarni hal qilish faqat ijtimoiy to`lovlar va imtiyozlar ko`rinishidagi moddiy rag`batlantirish bilan cheklanib qolmasligini tushuntirdi. Uning so`zlariga ko`ra, insonning hayotiy ko`rsatmalari muhimroqdir.
