Germaniya prezidenti Frank-Valter Shtaynmaer rasmiy kutib olish uchun samolyot tepasida taxminan yarim soat kutdi, deb yozadi Bild.
U Dohaga bir kun avval Qatar amiri Tamim bin Hamad Ol Tani bilan Germaniya fuqarolarini garovga olinganlardan ozod qilish masalasini muhokama qilish uchun kelgan edi.
Nashrning yozishicha, Shtaynmaer Qatar poytaxtiga o`z vaqtida qo`ngan, biroq u bilan hech kim uchrashmagan. Protokol xizmati rahbarining qo`ng`irog`iga javoban nemis tomoniga "prezident kutib, vaqt o`tkazish o`rniga aeroportda choy ichishi kerakligi aytilgan", biroq Shtaynmaer rampaning tepasida kutishni ma`qul ko`rgan. Nashrning yozishicha, prezident 30 daraja issiqda taxminan yarim soat kutgan. Natijada Shtaynmaerni Qatar tashqi ishlar davlat vaziri Sulton bin Saad Al Murayhi kutib oldi.
Tagesspiegel nashrining yozishicha, Germaniya prezidentining samolyoti belgilangan vaqtdan ertaroq etib kelgan. Bu kechikishga sabab bo`ldi.
Amir bilan muzokaralar taxminan bir yarim soat davom etdi, shundan so`ng Shtaynmaer "juda yaxshi kayfiyatda" ketdi, deya qayd etadi Bild.
