Joriy yilning 30 noyabr kuni tongida Qozog`istonning Olmaota shahri Adi Sharipov ko`chasida joylashgan Almaty Hostelda yong`in yuz bergani haqida xabar bergan edik.
Dastlabki ma`lumotlarga ko`ra, asosan talabalardan iborat 72 kishi yashagan 457 kv.m. maydonga ega xostel er to`lasi koridoridan boshlangan yong`in oqibatida 13 kishi halok bo`lgan.
Halok bo`lganlarning 2 nafari, ya`ni 2000 yilda tug`ilgan N.A. va 2000 yilda tug`ilgan S.K. O`zbekiston fuqarolari hisoblanadi.
Ushbu holat yuzasidan jinoyat ishi qo`zg`atilgan.
Tashqi mehnat migrasiyasi agentligi holat bo`yicha rasmiy ma`lumot berdi.
”Hozirgi vaqtda mazkur holat mamlakatimizning Olmaota shahridagi Bosh konsulxonasi va Tashqi mehnat migrasiyasi agentligi vakolatxonasi tomonidan nazoratga olingan hamda vafot etgan yurtdoshlarimizning jasadlarini O`zbekistonga qaytarish choralari ko`rilmoqda”, deyiladi rasmiy xabarda.
