Joriy yilning 4 dekabr kuni Navoiy viloyatida tibbiyot va farmasevtika sohasida amalga oshirilgan ishlar hamda sohadagi mavjud kamchiliklar tahliliga bag`ishlangan yig`ilish bo`lib o`tdi.
Yig`ilishda viloyati hokimi Normat Tursunov shifokorlar tomonidan dori-darmon reseptini turli qog`ozlarga istalgan ko`rinishda yozib berish holatlarini tanqid qildi.
"396 ta tibbiyot muassasasida 2114 nafar tibbiyot xodimi dori yozib berish huquqiga ega. Shunday qarab, qanaqa qog`oz bo`lsa yozib beradi. Retsepda na yozib bergan shifokorni familyasi bor, na klinika nomi bor. Bu dori kasalga reaksiya bersa kim javob beradi?",– dedi viloyat hokimi.
Ma`lumot o`rnida aytish joizki, viloyatimizda tibbiyot sohasiga bundan olti yil oldin 220 mlrd. so`m mablag` ajratilgan bo`lsa, joriy yilning o`tgan davrida 3,5 barobar ko`p mablag` ajratilib, 733 mlrd. so`mni tashkil qildi, birgina mahalliy byudjetdan 100 mlrd. so`mdan ortiq mablag`lar sohaga yo`naltirildi.
So`ngi 2 yil ichida 27 ta oilaviy shifokorlik punktlari va oilaviy poliklinikalar yangidan barpo etildi va bu maqsadlar uchun mahalliy byudjetdan 30 mlrd.so`mga yaqin mablag` ajratildi, yaqindagina Xatirchi va Qiziltepa tumanlarida har biri 4,9 mlrd so`mlik 2 ta oilaviy poliklinikalarni yangidan qurish bo`yicha ishlar boshlab yuborilgan.