Ijtimoiy tarmoqlarda kichik yoshdagi bolaning bog`chaga yuzi va ko`zlari jarohatlangan holda kelgani va uni otasi kaltaklagani haqida xabarlar tarqaldi. Holat yuzasidan Bolalar ombudsmani munosabat bildirdi.
Dastlabki ma`lumotga ko`ra, mazkur zo`ravonlik fakti Samarqand viloyati Urgut tumanida yuz bergani aniqlangan. Hozirda tuman IIB tomonidan holat bo`yicha tergov harakatlari olib borilmoqda.
“Bolaga nisbatan bunday harakatga yo`l qo`ygan shaxslar kim bo`lishidan qat`iy nazar qonunan javob berishi ta`minlanadi. Holat yuzasidan qo`shimcha ma`lumot beriladi”, deyiladi munosabatda.
